احببت يوسف
وبنت تانية واني هبلة ومش بعرف أعمل حاجة من غير يوسف ما يكون معايا واني علطول بعيط وفي الاخر جابت سيرة بابا وماما وانهم سابوني ومشيوا .
حبيبة خلاص يا ماما أنا مش زعلانة منها متزعليهاش.
سمية يارب الناس كلها عندها قلب زي قلبك يلا بقا عشان نفطر ومفيش اعتراض وعلي فكرة يوسف نزل من بدري ودينا كمان نزلت
حبيبة حاضر يا ماما
فطرت حبيبة مع سمية وبعدها دخلت تقعد في البلكونة ومعاها ألوانها ورسوماتهاوقعدت ترسم وبمرور الوقت سرحت لايام طفولتها
فلاش باك
يوسف نورتي بيتك يا ست البنات
حبيبة بس دا مش بيتي
حبيبة بابتسامة طفولية حاضر
يوسف تعالي بقا اعرفك علي اوضتك ماما يا ماما حبيبة جات
سمية حضنتها حبيبة قلبي حمدلله علي سلامتك ياروحي
حبيبة مش ټعيطي يا خالتو يوسف قالي اللي بيعيطوا بيبقوا وحشين
سمية حاضر ياروح خالتو بس انتي تقوليلي ماما زي يوسف ودينا تعالي يلا اوديكي اوضتك
حبيبة حاضر .
الايام بتمر بلطف سمية بتاخد بالها من حبيبة اللي يوسف مش سايبها اصلا دايما معاه هو بيشتري لبسها بيجيب لها لعب واسكتشات وألوان عشان ترسم وتلون حتي وقت مذاكرته هي قاعدة معاه ترسم وتلون
الغلط
في يوم كان عم يوسف عندهم ولقي حبيبة بتلعب هي ودينا ودينا بتتخانق معاها عشان تاخد اللعبة
أحمدعم يوسف ما تودوا البنت دي أي مكان تاني بدل ماهي بتتخانق مع دينا كدا كمان مينفعش تقعد في البيت مع يوسف !
يوسف بحدة حبيبة مستحيل تطلع من البيت دا هتفضل فيه لاخر العمر ومسمعش حد يجيب سيرتها أبدا وايه يعني أنا في البت دي بنت عندها 10 سنين يعني لسه عيلة وانا عندي 17 سنة وخلاص هخلص ثانوية عامة وانا اللي بربيها زي بنتي وهتكون زي دينا بالظبط فملوش داعي تلميحاتك دي يا عمي
سمية شكرا يا يوسف انك قلتله كدا عايزني أبعد بنت مني عن حضڼي
يوسف يا أمي انتي عارفة عمي انا اصلا مش برتاحله هو مش عايز حاجة مننا غير الميراث مټخافيش مستحيل حد يبعد عنك حبيبة .
سمية ربنا يخليك لينا يا حبيبي يلا ادخل ذاكر مبقيش وقت علي الامتحانات .
مرت الايام وجت امتحانات يوسف وانعزل تماما عن البيت وقعد في اوضة في جنينة البيت مصممة كمكتب ليه واوضة نوم وحبيبة كانت بتحاول تشوفه مش بتعرف كانت بتقعد قدام اوضته ترسم وتلون علي أمل انه يجي في أي وقت
حبيبة بس هو وحشني يا ماما وعايزة ألعب معاه
سمية خلاص هانت النهاردة اخر
يوم في الامتحانات ويقعد يلعب معاكي علطول
حبيبة يوسف جه اهه بيفتح الباب
يوسف السلام عليكم
سمية وعليكم السلام يا حبيبي
حبيبة جريت عليه وهو شالها رفعها من الارض حبيبة قلبي اللي وحشتني
حبيبة انت كمان وحشتني أوي معدتش تعمل كدا وتسيبني لوحدي
يوسف بابتسامة حاضر ياست البنات ادعيلي بقا انجح
حبيبة يارب تنجح وتبقي مهندس شطور
يوسف اشمعنا مهندس ......
يتبع ......
يوسف اشمعنا مهندس
حبيبة عشان أنا بحب المهندسين أوي وعايزاك تكون مهندس عشان أحبك
يوسف بصلها جامد حاضر هكون مهندس عشان تحبيني انتي بقا عايزة تكوني ايه
حبيبة أنا عايزة أكون رسامة عشان ارسم لك صور كتير اوي
سمية يابت انتي بطلي غلبة وشيلي حاجتك دي عشان نتغدي يلا ونادي دينا .
النتيجية ظهرت وفعلا يوسف جاب مجموع كبير ودخل هندسة .
سمية ياحبيبي انت ليه دخلت هندسة مش كنت عايز تدخل كلية فنون جميلة طول عمرك بتحلم بيها .
حبيبة هو دخل عشاني صح يا يوسف
يوسف بابتسامة صح يا حبيبة يوسف .
سمية انت لسه فاكر كلامها ربنا يهديكوا انتو الاتنين
مرت أيام وسنين ودخلت حبيبة ثانوية عامة ومعاها يوسف اللي خلص هندسة دايما بتاخد رأيه في كل حاجة هو بيذاكر لها بيوديها الدروس هي ودينا خلصوا ثانوية عامة والنتيجة ظهرت
حبيبة بتوتر ها يا يوسف
