قصه محمد كامله
انت في الصفحة 5 من 5 صفحات
فهمتنى غلط ازاى ...أنا هرن عليه واتكلم بجدية وأقوله انزل حالا أنا تحت لكن عمر ما أطلع طبعا
برافو عليكي..خدى العنوان
الا صحيح هو شقة كام
بت انتى أنا مش مستريحلك
تانى بتظلم تانى
اومال عايزة تعرفى الشقة ليه
لحسن أرن عليه ويطلع فى شقة غلط وانا الصراحة مابحبش حد يزعجنى ف مش عايزة أزعج حد
لا والله
ضحكت يا بنى فضول والله مش أكتر
ماشى هو شقة 8 بس والله لو عرفت انك طلعتى همحيكى من الوجود
لا لا عيب عليك ده أنا تربيتك برضو
ماشى ...اتكلى على الله بقا
اتحركت ناحية الباب بعدين لفيتله تانى وانا مبتسمة ..
ايه تانى
شكرا ...شكرا على كل حاجة
ابتسم مفيش شكر بنا
وآسفة لو قولت حاجة زعلتك
يا بنتى افهمى أنا عمرى ما أزعل منك
أنا بحبك
ضحك وانا كمان بحبك
روحت فتحت الدولاب وخرجت الفستان الأبيض بتاعى ...
لبست الفستان وعليه طرحة بيضة وجزمة وشنطة لونهم أبيض وبصيت على نفسى فى المرايا ...
ابتسمت لما لقيت شكلى حلو اوي اوي وبعدين خرجت أتسحب لحسن محمد يشوفنى وهو أصلا شاكك فيا ..
ركبت تاكسى ووصلت العنوان ..طلعت ورقة وقلم كنت حطتهم فى شنطتى قبل ما أنزل ...
مسكت الورقة وكتبت عليها بخطى الجميل ال شبه نقش الفراخ ..
وأغير من البدر لو يلمح بنوره عنيك ...
وأغير من الورد لو يجرح بشوكه اديك ...
وياما فكرى احتار وياك ...
وعينى يا عينى بتفضل سارحة معاك
طلعت قدام شقته وحطيت الورقة على الأرض ..
طلعت الدور ال فوقيه بحيث انى أقدر أشوفه لما يفتح بابا الشقة...
رنيت عليه وفى خلال لحظات كنت سمعت صوته ..
ألو
افتح باب شقتك
ليه
اسمع كلامى وخلاص ...
قفل معايا وسمعت صوت الباب بيتفتح وبعدين شوفت حبيب قلبى ال مدوخنى ده ...
مسك الورقة وابتسم ..قرأ ال فيها وهو لسة مبتسم ..وبعدين دخل وقفل الباب ...
ألو
ايه الورقة دى
اقرأ ال فيها
قرأته
و ..
مفهمتش حاجة
ضحكت بغلب أنا تحت العمارة انزلى
مش نازل
انزل بقا
يا ستى مش عايز أنزل
يعنى هتسيبنى أمشى بعد ما جيت المشوار ده
ايوا ..ومع السلامة بقا
تلاتة بالله العظيم أنا متجوزة واحد حلوف ..بقا أنا مكلفة نفسى وهو لسة مقموص...
طب والله ما همشى غير لما أصالحه ها ..
نزلت تانى قدام شقته ...
سامحنى بقا يا محمد بس انت أكيد مش هتكون مبسوط لما أطلق يعنى !
رنيت الجرس واستنيت ثوانى لحد ما فتحلى وهو لسة لابس البيجامة ...
احم ممكن تنزل معايا تحت شوية
لا
أنا عايزة أتكلم معاك
ادخلى
انت عايزنى أدخل شقتك وانت قاعد لوحدك ..
انتى مراتى يا هبلة
برضو أنا بخاف على نفسى
اه صح ما أنا نسيت ان كلنا صنف واحد
سابنى ودخل وهو لسة سايب الباب مفتوح ..
خدت نفس عميق وخرجته بعدين دخلت وراه الشقة ...
روحت وقفت قصاده ومسكت ايده ..
أنا آسفة
انتى مش واثقة فيا
لا طبعا ..بس
بس ايه
أنا قولت كده من غيرتى
اټصدم ايه
قربت منه كمان ومسكت دراعه ..
كنت غيرانة ...غيرانة عليك
نسيب قولى انك مش بتهزرى !
قربت منه شوية كمان وغمضت عينى لانى كنت فى قمة كسوفى ...
الأغنية ال من كلمة ...ال فيها نغمة من غير مزيكا
مالها
ابتسمت بحبك
قولتى ايه
بحبك
ساعات الاعتراف الصادق بيطلع مننا بدون تفكير .... مش صح أننا نبخل بمشاعرنا قدام ناس احنا واثقين إنهم بيحبونا خصوصا لو واحدة فى مكانى ...
كنت هعوز ايه أكتر من راجل بجد ...
راجل صنع من الحطام إنسانة كاملة قادرة تحب ...
علمنى ازاى أحب زى إنسانة ناضجة مش زى طفلة مراهقة ...
الإنسان ممكن يمر بتجارب كتير فاشلة لأنها جت فى غير وقتها ...بس ال أنا واثقة منه إن التجارب دى بتبقى تمهيد لمكافأة كبيرة أوى من ربنا ....
الماضى هيفضل ماضى والزمن بيطلع لقدام مش بيرجع لورا...بالرغم من ان الماضى هيفضل فى الماضى بس عشان نقدر نبنى مستقبل
سليم لازم نتعلم من كل غلطة وكل تجربة فاشلة عدت علينا فى الماضى وفى الأول والآخر كل شىء ليه معاد ...
والحاجة لما تيجى فى وقتها بتبقى. أجمل بكتير ..
نسيب أنا مش بحلم صح
لا مش بتحلم
يعنى دلوقتي قولتى انك بتحبينى
ايوا قولت
طب قولى تانى عشان خاطرى
ضحكت بحبك
محستش بيه غير وهو بيحضنى ويمسك فيا جامد وكأنى هطير..
حسيت بصوت وهو فى حضنى ف بعدت عنه لقيته بيعيط
ليه الدموع دى بس
أنا مش مصدق والله ما مصدق
لا صدق
يا نسيب أنا بحبك أوى أنتى ما تعرفيش أنا كان نفسى فى اللحظة دى من امتى !
واديها جت اهى
بعد عنى شوية بعدين بصلى وضحك
شكلك حلو اوي اوي اوي اوي
عشان حطيت آى لاينر
ضحك لا انتى أصلا قمر
على فكرة أنا لابسة الفستان ده عشانك
منا خدت بالى
طب يلا يا حبيبى بقا ننزل عشان محمد لو عرف إنى دخلت بيتك هيختالنى أنا وأنت
ضحك طب استنى بس عشان أنا لسة مش مستوعب...حاسس إنى بحلم والله
قربت منه وانا مبتسمة ...
ده مش حلم ...ده واقع ..انا واقع وانت كمان
ضحكت انت الواقع الوحيد ال أجمل من كل أحلامي
ابتسم أنا بحبك أوى
وانا كمان بحبك أوى
فكلنا مغرم يهذى بصاحبه.....ناء ودان ومخبول ومختبل
