العملية فشلت !!
انت في الصفحة 1 من 8 صفحات
العمليه فشلت انا اسفه
محستش بنفسى غير وانا على الأرض بعيط وبسأل سؤال واحد ليه؟... هو انا مستاهلش ابقا ام !...والله هبقا ام كويسه
- تمام ى دكتور وبصالى اتفضلى
قعدت ما بين حواجبى هو ليه بيكلمنى كده؟ بدل ما يواسينى
اتنسد على كرسى جانبى وحاولت اقوم كانت دكتورة كبيرة فى سنه امى
دكتورة: لو قالك طلاق اتطلقى وهيعوضك
معرفش ليه كلمتها هزتنى سبتها ومشيت والكلمه بترن فى ودانى وصلت للعربيه
وركبت جانبه كان بيسوق بسرعه عليا برغم انه عارف ان دا بيخوفنى
و صلنا نزل وهبد باب العربيه وراءه دخلنا الشقه كان عصبى وكنت هاديه
كان رايح جاى يفرك فى ايده يرجع شعره بعصبيه لوراء
واقفت بثبات: عايز طلاق؟
- ياريت اصل مش معقول هفضل طول حياتى مع واحدة عقيمه
الكلمه وجعتنى بس كنت اودامه ثابته
- لا كفايه عليك التلات سنين الى فاتوا والعمليه الى عملتها كتر خيرك ورقتى توصلى
